ఆలిండియా అడుక్కుతినేవాళ్ళ మహాసభ _ తాపీ ధర్మారావు

నేను పుస్తకం చూడగానే కధ ఏమైనా అయిఉంటుంది అని అనుకున్నాను , కాని రచయిత తాపీ ధర్మారావు పేరు చూడగానె చదవాల్సిన పుస్తకమే అని తీసుకున్నాను.
పుస్తకం మొత్తం మూడు రొజుల్లొ చదివాని రాత్రి పదుకునే ముందు , ఉదయం లేవగానే ఇలా … ఇలా చదవటం వల్లనే ఏమొ వంటబట్టినట్టుంది 😉 .
నిజానికి సమాజంలొ బిచ్చగాళ్ళ మీద ఉన్న అభిప్రాయాని వళ్ళు పడే బాదలని , క్షొబని మరియూ నేపద్యాన్ని చాలా దగ్గర గా చూసి రాశారు.
దీనిలొ అడుక్కునేవాళ్ల గురించి , దానం చేసేవాళ్ళ గురించి మానసిక వ్యధతొ రచయిత రాసిన వ్యాసం.
లేని వాడే అడుక్కుంటున్నాడని వాళ్ళనే సమాజం బిచ్ఛగాళ్ళు గా చులకన గా  చూస్తొందని వాళ్ళు అలా తయారు కావడానికి  సమాజమే కారణమని కాని సమాజమే వాళ్ళని ఆదరించకుండ చీదరించుకుంటుందని రచయిత అబిప్రాయ పడ్డారు .
ఇక్కడ రచయిత సమాజంలొ కొన్ని వర్గాల్ని (దానాలు పుచ్ఛుకునేవాళ్ళని ) అడుక్కొవటానికి దానం అనే అందమైన పేరు పెట్టి లాబపడుతున్నారు , దానం ఇచ్చేవాళ్ళూ వాళ్ళకే దానం ఇవ్వడం వళ్ళ పాపాలు తొలగి పొతాయని , ఏదొ ఓరుగుతుందని అనుకుంటారని అన్నారు. దానాలు ఇచ్చేవాళ్ళు కూడా ఉన్నవాళ్ళకే ఇస్తారు కాని లేని వాడికి ఎవరు ఇవ్వరు .
సమాజంలొ మనం ‘కర్మ’ అనే  ఒక అందమైన దాన్ని శ్రుష్టించుకొని ప్రతిదానికి దాని మీదకే నెట్టివేస్తున్నాం అని వివరించారు , నాకు నచ్చిన వాటిల్లొ  ఇది ఒకటి !!
అడుక్కునే వాడు అలా అడుక్కొవడానికి ఎంతొ మానసిక క్షొభానుబవిస్తాడని ,ఆత్మగొరవం చంపుకొటాడని వేరే దారిలేక దయగల వారిని బిక్ష అడుగుతాడని బిచ్చగాళ్ళ  అంతరంగాన్ని దీనంగా వివరించారు. కాని ఈరొజుల్లొ ఉన్న బిచ్చగాళ్ళలొ ఇలా ఎంతమంది ఉన్నారన్నది నాకు అనుమానం ?
ఈ పుస్తకంలొ ఒక దగ్గర అవయువాలన్ని సరీగ ఉన్నవాడికి దానం చేయవద్దని కూడా అన్నారు !
రచయిత చివరిలొ కొన్ని నిజజీవితాలను వారి నేపద్యాన్ని పరిచయం చేశారు , ఇది నాకు నచ్చింది .

ఏది ఎమైనా నాకు ఈ పుస్తకం చదవదగ్గదని అనిపించింది , బిచ్చగాళ్ళ  విషయంలొ తప్పకుండా మనకు ఒక విదమైన అవగాహన కలుగుతుంది .

ప్రకటనలు

తెలుగు భాషకి మన ప్రభుత్వం ఏం చేసింది??? ఏం చేస్తుంది????

తెలుగు మనందరి మాతృభాష….ఈ తల్లి తెలుగు ఎన్నో ఏళ్ళు పరరాజుల పాలనలో మగ్గింది…..ఎన్నో పరభాషలు రాజభాషలుగా వెలిగి, మన భాషని కేవలం వాడుక భాషగా మిగిల్చాయి….మనదైన ఈ ప్రజాస్వామ్య రాజ్యం మనం కష్టపడి తెచ్చుకున్నాక, మనం పట్టం కట్టి కూర్చోబెట్టిన ఈ ప్రభుత్వాలు,ప్ర్జజాప్రతినిధులు చాలా మంది,మన తెలుగుతల్లికి అన్నిటా అగ్రతాంబూలం ఇస్తామని,ఇవ్వాలని ఎన్నో జీవోలు, మరెన్నో ప్రణాళికలు రూపొందించాయని వినికిడి……కానీ వాటిలో చాలా వరకు అసెంబ్లీ నాలుగ్గోడల మధ్యనే ఉండిపోయాయి….కొన్ని సచివాలయం దాకా వెళ్ళి ఫైళ్ళుగా మారి బీరువాల్లో మగ్గుతున్నాయి……నాకు తెలిసి తెలుగుకి అధికారభాషగా ఒక గుర్తింపు తెచ్చింది మన ఎన్టీయార్….ఆయన ఏం ప్రణాళికలు రూపొందించాడో, వాటిని తర్వాత వచ్చిన ప్రభుత్వాలు తుంగలో తొక్కి ఏ గంగలో కలిపాయో తెలియదు….నాకే కాదు, నేటి యువకులకి ఎవ్వరికీ తెలియదనుకుంటా…..

వాడుక భాషలో అన్ని ప్రభుత్వ కార్యకలాపాలు, ఉత్తర ప్రత్యుత్తరాలు జరిగినప్పుడే, సమాచారం సగటు వ్యక్తికి సరిగ్గా చేరుతుంది….మాతృభాష వల్లే బుద్ధి వికాసం కలుగుతుందని విజ్ఞుల అభిప్రాయం…

పైగా పుట్టల్లా పెరిగిపోతున్న ఈ కార్పొరేట్ సంస్కృతిలో, మన తెలుగు భాషకి పూర్వవైభవాన్ని తీసుకురావడానికి ప్రతి తెలుగువాడూ నిలబడాలి…..కనుక పెద్దలు, విజ్ఞులైనవారు ఈ టపాకి స్పందించి, మన ప్రభుత్వం ఇంతవరకు  తెలుగు భాషాభివృధ్ధికి ఏఏ జీవోలు జారీ చేసింది, ఎలాంటి ప్రణాళికలు రూపొందించిందో సవివరంగా తెలియజేస్తే, మేం వాటిని ప్రజల్లోకి తీసుకువెళ్ళి, ఆ ప్రణాళికల అమలుకి మా వంతు ప్రయత్నం చేస్తాం….

ఆ ప్రయత్నంలో భాగంగా ఇక్కడ, మా వద్ద ఉన్న కొన్ని ప్రశ్నల్ని మీ ముందుంచుతున్నాం….వాటి ఆధారంగా మీరు మీకు తెలిసిన విషయాల్ని పంచుకుంటారని ఆశిస్తున్నాం….

౧) అధికార భాషా సంఘం అని ఒకటుంది…దాని విధులు ప్రణాలికలు ఏంటి?

౨)తెలుగు భాషా ప్రచార సమితి అనే ప్రభుత్వ అనుబంధ సంస్థ ఉందనుకుంటా? దాని గురించి….

౩) అసలు ఇంతవరకూ చాలా ప్రభుత్వాలు మారాయి..అవి చేసిన చిన్న,పెద్ద ప్రణాళికలు…???

౪)ప్రభుత్వ కార్యాలయాలన్నిట్లో ఉత్తర, ప్రత్త్యుత్తరాలన్నీ తెలుగులోనే జరగాలని ఎన్టీయార్ ప్రభుత్వం జీవోలు జారీ చేసిన గుర్తు….దాని వివరాలు….

౫)ఇలా ఉత్తర, ప్రత్త్యుత్తరాలన్నీ తన కార్యాలయంలో, పూర్తిగా తెలుగులోనే జరిగేట్టు ఒక కలెక్టరుగారు చేస్తున్నారని వినికిడి……అలా ఆయన చెయ్యగలుగుతున్నపుడు రాష్ట్రం మొత్తం అలానే ఎందుకు చెయ్యకూడదు? దానికి ఆయన అనుసరిస్తున్న విధానాలు……..

౬) ఈ మధ్య “తెలుగు”కి  ప్రాచీన హోదా కల్పించామని కేంద్ర, రాష్ట్ర ప్రభుత్వాలు హడావుడి చేశాయి….మన నాయకులు ఉపన్యాసాలు ఊదరగొట్టారు….మరి దానివల్ల “మన తెలుగు” కి ఎక్కువగా వచ్చే (ఒరిగే)దేంటి? దానిలో కేంద్ర, రాష్ట్ర ప్రభుత్వాల పాత్ర ఎంతెంత?…అసలేం చేస్తారు? మనమేం చెయ్యాలి?…..

ఇవండీ మాకున్న అనుమానాలు…..సహృదయులు, విజ్ఞులైన పెద్దలు ఈ విలువైన సమాచారాన్ని వ్యాఖ్యల రూపంలో పంచుకుంటారని ఆశిస్తున్నాం….పంచుకుని “మన తెలుగు” అభివృధ్ధికి మీ వంతు సహకారాన్ని అందిస్తారని భావిస్తున్నాం…..

ధన్యవాదాలు……

జై తెలుగుతల్లి!! జై తెలుగుతల్లి!!!


ఈటపా  నా అభ్యర్ధన మేరకు  కౌటిల్య గారు తెలుగులొ స్రిప్ట్   రాసి పంపించారు ,

e-తెలుగు హైదరాబాద్ సమావేశం మే-2008

e-తెలుగు ఒక సంఘంగా ఏర్పడిన తరువాత జరిగిన మొట్టమొదటి సమావేశం ఇది!
ఈ సారి సమావేశం ఎప్పటకన్నా బిన్నముగా జరిగినది!సమయం ఇట్టేగడచిపొయినది, సమావేశం మొత్తం చాలా ఆశక్తిగా,చురుకుగా
సాగింది,కొత్తవ్యక్తుల పరిచయ కార్యక్రమాలు ముగుయగానే e-తెలుగు అధ్యక్షులు చదువరి గారు మొదటిగా సభనుప్రారంభించి e-తెలుగు గురించి వివరించారు,తరువాత పద్మనాభం గారు e-తెలుగు ఇంకా పారదర్శకముగా ఉండాలని అభిప్రాయపడ్డారు,చదువరి గారు
తెలుగు ఫాంట్లగురించి,అనువాదాలగురించి,డిక్షనరి గురించి వివరించి సభికుల అభిప్రాయాలు తేసుకున్నారు,
సి.బి.రావు గారు ఆంగ్లపద్యాల సంపుటి సభికులకు పంచారు నేను దానిపైన ఆటొగ్రాఫ్ తేసుకున్నాను.
చదువరిగారు e-తెలుగు అధికారిక వెబ్ సైట్ గా etelugu ను ప్రకటించారు!మధ్యమధ్యలొ  కొన్ని జొకులు పేలాయి,
తెలుగు బ్లాగులు e-తెలుగు లొ ఒక భాగమని అన్నారు, తెలుగు అనువాదాల గురించిన సమాచారం కొరకు తెలుగువికి లొ చూడమని వేవెన్ అన్నారు,లేఖిని,కూడలి అన్ని మనవే(e-తెలుగు) వారివే అని అన్నారు,కొత్తగా వచ్చిన కిరణ్ సభికులందరిని
ఒక ఫొటొ తేసుకుని ,తనుకూడా మాతొ  ఒక ఫొటొ దిగారు తరువాత చిన్నగా అందరం బయలు దేరాం! చిన్నగా కాసేపు పిచ్చాపాటి  మాట్లాడుకుంటూ బయలు దేరాం, ఈ సమావేశం నేను హాజరైనదానిలొ మరచిపొలేనిది!

ఇది నా అనుభవం మాత్రమే అని పాటకులు గ్రహించాలి,మేకు మరింత వివరణాత్మకమైన సమాచారం కొరకు సందర్శించండి
e-తెలుగు అధికారిక పేజి eతెలుగు